ПСЖ етакчиси "Реал"га қарши ўйинни ўтказиб юборадими?

ПСЖ ҳужумчиси Неймар жароҳатидан тикланишда давом этмоқда.

Журналист Адриен Грениернинг L'Equipe нашрига таяниб хабар беришича, бразилиялик футболчининг Чемпионлар лигасининг 1/8 финалида иштирок этиши эҳтимоли жуда кам.

Неймар жорий мавсум Франция чемпионатида 10 та ўйин ўтказиб, 3 та гол урди ва 3 та голли узатмани амалга оширди.

ПСЖ – “Реал” учрашуви 15 февраль куни бўлиб ўтади. Ушбу жамоалар иштирокидаги жавоб ўйини эса 9 март санасига режалаштирилган.