Педро Римга етиб келди

Яқинда шартномаси якунланиб “Челси”дан кетган ярим ҳимоячи Педро Родригес Италияга етиб келди.

Журналист Жанлуки Ди Марционинг хабар беришича, 33 ёшли испаниялик футболчи “Рома” сафига бориб қўшилади. У янги жамоаси билан 2022 йилга қадар шартнома имзолайди ва йилига 3 млн евро маош олади.

Педро ўтган мавсум Англия премьер-лигасида 11 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди.