Педри "Барселона" мухлисларини хавотирга солмоқда

"Барселона" ярим ҳимоячиси Педри "Осасуна"га қарши қолдирилган ўйин ҳақидаги фикрларини билдирди.

- Биз бироз чарчаган бўлсак-да, "Барселона" эканлигимизни унутмаслигимиз керак. Агар пайшанба куни ўйнашимиз лозим бўлса, шундай қиламиз ва Ла Лигада ғалаба қозониш учун бор кучимизни сафарбар этамиз, - деди Педри.

Маълумот учун, жорий мавсумда 22 ёшли ярим ҳимоячи барча мусобақаларда 42та ўйинда иштирок этиб, бешта гол урди ва еттита голли узатмани амалга оширди. Испания чемпионатининг 27-тури доирасидаги "Барселона" - "Осасуна" учрашуви 27 март санасида бўлиб ўтади.