O‘zbekistonlik futbolchi tur ramziy jamoasida (foto)

25-26 aprel kunlari Tojikiston chempionatida 4-tur o‘yinlari bo‘lib o‘tdi. Odatga ko‘ra, "Varzish" telekanali tur davomida o‘zini ko‘rsatgan futbolchilardan iborat ramziy terma jamoani e’lon qildi.

E’tiborlisi, bu safargi ramziy terma jamoadan "Xo‘jand" klubi yarim himoyachisi Sanjar Rixsiboev ham o‘rin oldi. Yodingizda bo‘lsa, Rixsiboev "Regar-TadAZ"ga qarshi 2:1 hisobi bilan yakuniga etgan bahsda raqib darvozasini ishg‘ol qilishga erishgan edi.

Eslatib o‘tamiz, Tojikiston chempionati 10 mayga qadar rasman to‘xtatib qo‘yilgan.