O‘zbekiston Superligasi. "Paxtakor" derbida zafar quchib, Superliga chempioniga aylandi!

O‘zbekiston Superligasi 26-turidan o‘rin olgan "Bunyodkor" - "Paxtakor" uchrashuvi nihoyasiga etdi. Unda mehmonlar 2:0 hisobida ishonchli g‘alabani qo‘lga kiritdi.

"Sherlar" safida ikki golni Cheran va Turg‘unboev kiritdi. Bu gollar "Paxtakor"ga navbatdagi chempionlikni taqdim etdi.

Shu tariqa, "Paxtakor" ochkolari sonini 54 taga etkazib oldi. Jamoa ayni payt 1-pog‘onadan joy egalladi.

"Bunyodkor" hisobida 34 ochko mavjud bo‘lib, klub 7-pog‘onani band etgan.

• 90+4'
  

  Ўйин якунига етди. "Бунёдкор" - "Пахтакор": 0:2. "Шерлар" 15 карра Ўзбекистон чемпионига айланди. 

• 90'
  

  Иккинчи бўлимга 4 дақиқа вақт қўшиб берилди.

• 88'

  Файзуллаев рақибнинг икки футболчисини алдаб ўтишга ҳаракат қилиб кўрди.

• 81'
  

  Абдуллоҳ Омоналиев ўта қўпол ҳаракати учун майдондан четлатилди. 

• 74'

  Майдонда шиддат кўзга ташланмаяпти.

• 70'

  "Бунёдкор"нинг ҳужумлари рақиб ҳимоячилари томонидан бартараф этилди.

• 66'

  "Қалдирғочлар" тўп назоратига эгалик қилмоқда.

• 62'

  Азмиддиновга нибатан Жасур Ҳакимоқ ўйин қоидасини бузди.

• 58'
  

  "Бунёдкор" бурчак зарбасидан унумли фойдалана олмади.

• 53'

  "Пахтакор" футболчилари рақиб жарима майдони олдида прессинг уюштирмоқда.

• 50'
  

  Нархга тиббий ёрдам кўрсатилмоқда.

• 46'
  

  "Бунёдкор" сафида Павел Могилевец ўрнига Абдуллоҳ Омоналиев, Жаҳонгир Ўрозов ўрнига Жасур Ёқубов майдонга тушди.

• 46'
  

  Иккинчи тайм бошланди.

• 45+1'
  

  Танаффус! "Бунёдкор" - "Пахтакор": 0:2.

• 45'
  

  Биринчи бўлимга 1 дақиқа вақт қўшилди.

• 43'

  Чераннинг зарбаси шеригига тегиб, майдон ташқарисига чиқиб кетди.

• 40'
  

  Ҳамдамов ўйиндан ташқари ҳолатда қолиб кетди.

• 35'

  "Қалдирғочлар" майдонда устунлик қилмоқда.

• 32'

  "Бунёдкор" ҳужум қилишга уринмоқда. Аммо номинал меҳмонлар тартибли ўйин намойиш этмоқда.

• 28'

  Майдонда тўп учун кескин кураш кечмоқда.

• 23'

  Музаффар Олимжонов ўрнига Усмонали Исмоналиев майдонга тушди.

• 22'
  

   Насоновга чап қанотдан ўнгга тўп етказиб берилди. Унинг зарбасидан кейин тўпни Султонов ушлаб олди. 

• 17'
  

  ГООООООЛ! Турғунбоев иккинчи голни урмоқда.

• 14'
  

  ГООООООООЛ! Черан учрашувда ҳисобни очди. У Сайфиевнинг узатмасини боши билан дарвозага жойлаб қўйди.

• 10'

  Ўйин тенг курашлар остида кечмоқда.

• 7'

  "Бунёдкор" ҳимояда тартибли ҳаракат қилмоқда.

• 4'
  

  Файзуллаев гол уриши мумкин эди. Унинг айёрона зарбасини Суҳроб Султонов қийинчилик билан қайтарди. 

• 1'
  

  Ўйинга старт берилди.

• *'

  Жамоалар майдонга чиқиб келди.