Ўзбекистон Осиё кубоги саралашини йирик ҳисобдаги ғалаба билан бошлади

Осиё кубоги саралаши 1-туридан ўрин олган Ўзбекистон - Шри-Ланка учрашуви якунланди. Унда вакилларимиз йирик 3:0 ҳисобида рақибдан устун келди. 

Ҳамюртларимиз сафида Машарипов, Ҳамдамов ва Сайфиев гол уришга муваффақ бўлди. Меҳмонларга бу баҳсда гол уриш имкони берилмади.

Шу тариқа, Ўзбекистон "С" гуруҳида пешқадам бўлиб олди. 

• 90+5'
  

  Учрашув якунланди. Ўзбекистон - Шри-Ланка - 3:0. Ғалаба муборак, азизлар!

• 90+3'

  Шри-Ланка футболчиси жуда жиддий жароҳат олган(дек кўрсатмоқда ўзини). 

• 90'
  

  Учрашувга 5 дақиқа вақт қўшиб берилди.

• 89'

  Вакилларимиз майда паслар орқали рақиб мудофаасини ёриб ўтишга ҳаракат қилмоқда.

• 84'

  Жамоамиз сардори Шомуродов билан рақиб футболчилари ўртасида келишмовчилик юзага келди. Рақибларда асаблар таранглашмоқда.

• 81'

  Ўзбекистон хавфли вазиятлар сонини камайтирмаяпти. Рақиб дарвозабони ҳам сейв қилишдан чарчамади.

• 76'

  Ҳаммаси ўйин бошидек кетмоқда. Ўзбекистон ҳужумда, Шри-Ланка чуқур ҳимояда ўйнаяпти. 

• 72'
  

  Шри-Ланка дарвозабонига яна тиббий ёрдам кўрсатилмоқда.

• 69'

  Вакилларимиз ҳужум қилишдан чарчамаяпти. Кетма-кет хавфли вазиятлар юзага келмоқда.

• 66'

  Ҳамдамовнинг қанотдан узатган тўпини Шомуродов боши билан дарвозага йўллади. Зарба ноаниқ.

• 63'
  

  Азизбек Амонов ўз ўрнини Игорь Сергеевга бўшатиб берди.

• 60'
  

  ГООООООООЛ! Вакилларимиз рақиб жарима майдонидаги бетартибликдан унумли фойдаланиб, 3-голни урди. Гол муаллифи Фаррух Сайфиев!

• 58'

  Машариповнинг зарбасини ҳимоячилар бартараф этди. 

• 55'

  Машариповнинг узоқдан йўллаган зарбаси ноаниқ кўриниш олди.

• 52'

  Машарипов рақиб жарима майдони ичида ҳимоячи билан курашда йиқилиб тушди. Ҳакам бу вазиятни пенальтига тортмайди, деб ҳисоблади. 

• 51'

  Уххххх. Яна бир хавфли зарба. Аммо дарвозабон ўз маҳоратини намойиш этди. 

• 47'

  ГОООООООООЛ! Ҳамдамов ҳам жаримадан дарвозани ишғол қилмоқда - 2:0.

• 46'
  

  Иккинчи тайм бошланди.

• 45+4'

  Биринчи бўлим якунланди. Ҳозирча ҳисоб 1:0. Ҳамюртларимиз олдинда бормоқда.

• 45+2'

  Алижоновнинг узоқдан йўллаган зарбасига бироз аниқлик етишмади. Акс ҳолда, биз яна бир шедевр гол гувоҳи бўлардик.

• 45'
  

  Учрашувнинг биринчи бўлимига 4 дақиқа вақт қўшиб берилди.

• 44'

  Шомуродов ва Амоновнинг ажойиб комбинациясидан сўнг берилган зарбани яна ўша дарвозабон бартараф этди.

• 42'

  Футболчиларга сув ичиб олиши учун тўхталиш юзага келди.

• 40'
  

  Рақиб посбони тиббий ёрдамга муҳтож.

• 36'
  

  ГОООООООООЛ! Машарипов жарима зарбасидан ажойиб тарзда фойдаланиб, ҳисобни очди. Ўзбекистон - Шри-Ланка 1:0.

• 32'

  Шомуродовнинг бош билан йўллаган зарбасидан сўнг рақиб посбони ажойиб сейв ижро этди ва жамоасини муқаррар голдан асраб қолди.

• 28'

  Машарипов ажойиб алдамчи ҳаракатлари билан тўпни рақиб жарима майдонига етказиб берди. Лекин бу вазиятда гол урадиган футболчи топилмади. 

• 25'

  Амоновнинг олисдан йўллаган зарбасига аниқлик етишмади. 

• 23'

  Эххх. Сайфиев баҳсда ҳисобни очиши мумкин эди. Лекин қулай вазият кўкка совурилди.

• 22'

  Учрашувда тўхталиш рўй берди. Амоновга кичик тиббий ёрдам кўрсатилди.

• 19'

  Жамоамиз кетма-кет ҳужумлар юзага келтирмоқда. Аммо сўнгги зарба берадиган футболчи топилмаяпти.

• 17'

  Вакилларимиз рақиб майдони олдида кучли босим уюштирмоқда.

• 14'

  Сайфиевнинг қанотдан узатиб берган тўпини Ҳамдамов бош билан дарвозага йўллади. Бироқ рақиб посбони ўз ўрнида.

• 12'

  Рақиб жарима майдони олдида хавфли вазият юзага келтирдик. Бироқ сўнгги зарбага куч етишмади.

• 10'

  Отабек Шукуровнинг олисдан йўллаган зарбасини рақиб дарвозабони қайтариб юборди. Вакилларимиз фойдасига бурчак тўпи. 

• 8'

  Шомуродовда яна бир яхши вазият вужудга келди. Унинг зарбаси ҳимоячиларга тегиб қолди. 

• 6'

  УХХХХХХ! Қанотдан берилган узатмадан сўнг Шомуродов бош билан зарба йўллашга уриниб кўрди, бироқ у тўпга бироз ета олмади. 

• 2'

  Илк ҳужум вакилларимизда. Аммо Амоновнинг узатмаси мўлжалга аниқ етиб бормади.

• 1'

  Учрашувга старт берилди!

• 0'

  Ҳакамлар ҳар икки жамоа сардорлари иштирокида баҳсни ким бошлашини аниқлаб олди. Старт учун барчаси тайёр!

• 0'

  Навбат Ўзбекистон Республикаси мадҳиясига! Уни барчамиз биргаликда куйлаймиз!

• 0'

  Шри Ланка давлат мадҳияси янграмоқда!

• 0'

  Футболчилар майдонга тушиб келди. Ўйин бир неча дақиқалар ичида бошланади.