Ot sporti. Toshkentda xalqaro turnir start oldi

Bugun Toshkentda ot sportining konkur yo‘nalishi bo‘yicha “Jumping world challenge final” turniri boshlandi. Bu haqda O‘zbekiston Milliy Olimpiya qo‘mitasi matbuot xizmati xabar bermoqda.

Qayd etish lozimki, “Universal horses stable” majmuasi mezbonlik qilayotgan musobaqada 11 davlatdan tashrif buyurgan mohir chavandozlar bahs olib boradi. Bugun musobaqaning ochilish marosimi bo‘lib o‘tdi. Shundan so‘ng balandligi 115 sm bo‘lgan to‘siqlardan sakrash bo‘yicha dastlabki bahslarga start berildi.

Musobaqa natijalari bilan saytimiz orqali tanishib borishingiz mumkin.