Оскар Де Ла Хойядан вирус аниқланди. Унинг ўрнини эса Эвандер Холифилд эгаллади

11 сентябрь куни Лос-Анжелес шаҳрида "Golden Boy" номи билан машҳур бўлган собиқ жаҳон чемпиони Оскар Де Ла Хойя кўргазмали жангда Витор Белфортга қарши рингга кўтарилиши белгиланган эди. Де Ла Хойядан Cоvid-19 аниқлангани сабабли у карантинга олинди. Энди ўша куни бошқа бир афсонавий боксчи Эвандер Холифилд унинг ўрнини эгаллайдиган бўлди. Жанг кечаси "Triller" компанияси томонидан ташкил этилади ва пуллик транслация қилинади.