Osiyo o‘yinlari: Afsus, yana bir bokschimiz musobaqani tark etdi!

Osiyo o‘yinlarining bugungi kun dasturidan o‘rin olgan boks bahslari ham start oldi. Xabar berib o‘tganimizdek, bugun 2 nafar vakilimiz ilk janglarini o‘tkazadi.

Ularning dastlabkisi -75 kg vazn toifasida yurtimiz sharafini himoya qilayotgan Aziza Zokirova tailandlik Bayson Manikonga qarshi ringga ko‘tarildi. Murosasiz kechgan bahsda afsuski yurtdoshimiz 5:0 hisobida mag‘lubiyatga uchradi. Bu qizlar terma jamoasidagi 2-yo‘qotishimiz bo‘ldi. Kecha, Navbahor Hamidova ham tailandlik raqibasiga imkoniyatni boy berib, musobaqani tark etgandi

Oldinda esa bizni Abdumalik Xalakov ishtirokidagi jang kutib turibdi.