Осиё ўйинлари-2026: Оралбай финалда Зокировга қарши баҳс ҳақида фикр билдирди

Қозоғистон бокс жамоаси капитани Айбек Оралбай Осиё ўйинлари ярим финалида қўлга киритган ғалабаси ҳақида фикр билдириб, кутилган финал жангини шарҳлади, деб хабар беради Sports.kz сайти. 

«Мен учун мусобақа ҳали тугагани йўқ. Бу ерга чемпион бўлиш учун келганмиз, шунинг учун ҳозирча бўшашишга ҳаққимиз йўқ. 

Бугунги рақиб ҳақида гапирадиган бўлсам, у мен учун энг ноқулай боксчилардан бири эди. Илгари расмий турнирларда учрашмаганмиз, фақат спаррингларда рингга тушганмиз. Ўйлайманки, бугун тўғри тактикани танладик ва яхши бокс намойиш этдик. Чунки рақибим Осиё чемпиони унвонини икки марта қўлга киритган тажрибали спортчи. Кейинги жангда янада кучлироқ чиқишга ҳаракат қиламан. Оллоҳ насиб қилиб, олтин медалларни қўлга киритишни ва мадҳиямиз янграшини насиб этсин», — деди Айбек.

Оралбай 90 килограммдан юқори вазн тоифасида Осиё ўйинлари финалига ишончли тарзда йўл олди. У ярим финалда Ҳиндистон вакили Нарендерни 5:0 ҳисобида мағлуб этди. 

2 октябрь куни бўлиб ўтадиган ҳал қилувчи жангда Қозоғистон жамоаси капитани ўз ярим финалида муддатидан олдин ғалаба қозонган таниқли ўзбек боксчиси Жаҳонгир Зокировга қарши олтин медаль учун рингга чиқади.