“Nyukasl”ning birinchi nishoni aniq

“Nyukasl” qishki transferlar vaqtida birinchilardan bo‘lib, “Lester” himoyachisi Uesli Fofanni xarid qilishni rejalashtirmoqda.

Ma’lumotlarga qaraganda, “qarg‘alar” 20 yoshli futbolchi uchun 50 million evro atrofida xarajat qilishga tayyor. Bu summa “Lester” mutasaddilarini ham qoniqtiradi. Chunki ular 2025 yilning yozigacha shartnoma tuzgan futbolchini 40 million evroga baholayotgan edi.

“Nyukasl”ning yangi rahbariyati premer-liganing autsayderiga aylanib qolgan jamoani qutqarish va grandlar qatoriga qo‘shish bo‘yicha qimmatbaho loyihani amalga oshirishga kirishdi. Ular maqsadga etish uchun pul ayamoqchi emas.