"Ньюкасл" Исак учун катта сумма талаб қилмоқда

"Ливерпуль" ҳужумчи Александр Исакни ўз сафига қўшиб олмоқчи. Швециялик "Энфилд"га кўчиб ўтишни истаётгани аниқ, аммо музокаралар жараёни осон кечмаяпти.

Август ойининг биринчи кунида "Ньюкасл" Исак бўйича таклифни рад этгани ҳақида маълумот пайдо бўлди. Daily Mail хабарига кўра, "Ливерпуль" тўпурар учун тахминан 110 миллион фунт (126,6 миллион евро) таклиф қилган.

Манбага кўра, "Ньюкасл" Исак учун 150 миллион фунт (172,6 миллион евро) талаб қилмоқда.

Аввалроқ, 25 ёшли Исак "Ньюкасл" қароргоҳини тарк этиб, собиқ жамоаси "Реал Сосьедад" базасида машғулотларни бошлагани маълум бўлганди.