Nursulton Team klubi a’zosi Gruziyada jang qiladi

21 may kuni Gruziyada katta MMA kechasi bo‘lib o‘tadi. Biz uchun ahamiyatli jihati, mazkur jang oqshomida hamyurtimiz Kamoliddin Mamajonov ham navbatdagi jangini o‘tkazadi.

Yurtdoshimizga mezbonlar vakili Mixail Sadjiniani raqiblik qiladi. Ushbu jang yarim og‘ir vazn (93 kg) toifasida bo‘lib o‘tadi. Xabaringiz bor, Kamoliddin Mamajonov Nursulton Team klubi a’zosi va u Bekzod Jiyanov hamda Nursulton Ro‘ziboev qo‘l ostida mashg‘ulotlar olib boradi. U so‘ngi jangini 10 aprel kuni Sankt-Peterburgda rossiyalik Maksim Tkachenkoga qarshi o‘tkazib, 1-raundda texnik nokaut bilan g‘alaba qozongandi.

Ma’lumot uchun, Kamoliddin Mamajonovning professional rekordi 5-1 bo‘lsa, Sadjinianining ko‘rsatkichi 7-2 ko‘rinish olgan.