MYu yangi yulduziga katta maosh to‘laydi

Niderlandiyalik Donni van de Bekning “Manchester Yunayted”da oladigan maoshi ma’lum bo‘ldi.

Manchesterliklar bilan besh yillik bitim tuzgan futbolchi bu vaqt mobaynida 30 million evro ishlab oladi. Sulsher jamoasi rahbarlari 24 yoshli yarim himoyachiga yiliga 6 million evro berishga qaror qilgan. Bu transfer tez orada rasman e’lon qilinadi.

“Ayaks” tarbiyalanuvchisi hisoblangan Donni van de Bek poytaxt jamoasi sharafini jami 175 ta uchrashuvda himoya qilib, 41 ta gol urgan va 34 ta golli pas muallifi bo‘lgan. U Niderlandiya chempioni hisoblanadi.