МЮ собиқ футболчиси: "Роналду клубга фақат пиар учун керак"

"Манчестер Юнайтед" собиқ футболчиси Пол Паркер Роналдунинг жамоадаги ўрни ҳақида ўз фикрини маълум қилди. Айтишича, Роналду аввалги даражада эмас.

"Менимча, Криштиану фақат пиар учун хизмат қилмоқда. У клубга либослар сотувидан каттагина даромад келтиради. МЮ шу туфайли кўп нарсага эга чиқади. 

Агар португалиялик юлдуз тўпни кўпроқ назорат қиладиган жамоага ўтганда, унинг олдингидек ажойиб ҳаракат қила олмаслиги яққол намоён бўларди. Масалан, "Манчестер Сити"да Роналдунинг захирада қолиб кетиши аниқ эди. 

Ҳозир у "қизил иблислар" сафида яккаланиб қолган. Айни пайт Роналду камдан-кам ҳолларда тўпга тегинмоқда. Бу унинг ўз даражасини йўқотиб бораётганидан дарак беради"