Murodjon Ahmadaliev: "Naoya Inoue ko‘rinishidan katta chaqiruvlarga tayyor emas"

Xabaringiz bor, 14 dekabr kuni Monte-Karloda katta boks oqshomi bo‘lib o‘tadi. Etiborlisi, ushbu kechada ikkinchi eng engil vazn toifasida sobiq jahon chempioni Murodjon Ahmadaliev (12-1, 9 KO) navbatdagi jangini o‘tkazadi. Unga meksikalik Rikardo Espinoza (30-4, 25 KO) raqiblik qiladi.  Mazkur musobaqa oldidan  hamyurtimiz o‘z fikrlari bilan o‘rtoqlashdi.

"P4P yulduzi (Naoya Inoue nazarda tutilmoqda) ko‘rinishidan katta chaqiruvlarga tayyor emasga o‘xshaydi. U qochishda davom etishi mumkin, lekin men o‘zimga tegishlisini qanday yo‘l bilan bo‘lsa-da olaman. MJ yana biznesga qaytdi",  - deydi Ahmadaliev.

Eslatib o‘tamiz, bokschimiz yaponiyalik mutlaq jahon chempioni Naoya Inouening WBA chempionlik kamariga rasmiy va majburiy da’vogar hisoblanadi. Naoya dekabr oyida Avstraliya vakili Sem Gudmanga qarshi qilishi belgilangan.