Muhammad Qudus APL klubiga o‘tayotganiga ishora qildi

Konferentsiyalar ligasi pley-offidan o‘rin olgan "Ludogorets" - "Ayaks" bahsi bo‘lib o‘tdi. Unda amsterdamliklar yirik 4:1 hisobida zafar quchdi. 

Niderlandiya klubi safida Muhammad Qudus xet-trik qilgan bo‘lsa, Brayan Brobbi ham o‘z nomini tabloga yozdirib qo‘ydi. 

Qayd etish lozim, bellashuvdan so‘ng ganalik futbolchi shunday dedi: Ha, bu mening "Ayaks"dagi so‘nggi o‘yinim edi". 

Ma’lumot uchun, unga "Vest Xem" qiziqish bildirayotgandi. "Bolg‘achilar" uni 45 million evro evaziga sotib olish bo‘yicha "Ayaks" bilan kelishuvga erishgani haqida xabarlar chiqayotgandi.