Муайтай бўйича навбатдаги Ўзбекистон кубоги санаси маълум бўлди!

12-16 октябрь кунлари Тошкент шаҳри муайтай бўйича қизиқарли ўтиши кутилаётган турнирга мезбонлик қилади. Янада аниқроқ қилиб айтадиган бўлсак, "Универсал" спорт саройида муайтай бўйича ҳаваскорлар ўртасида Ўзбекистон кубоги турнири ташкил этилади. 

Мазкур мусобақа ўсмирлар, ёшлар ва катталар тоифасида ўтказилади. Турнир ташкилотчиларининг маълум қилишича, кубок доирасида иқтидорли ёшлар ва терма жамоага муносиб номзодлар сараланиб олинади. Шунингдек, ушбу мусобақага қизиқиш жуда юқори ва Республикамиз бўйлаб, жуда кўп спортчилар иштирок этиши кутилмоқда.