Моуриньо “Рома” етакчиси билан уришиб қолди
Ўзига хос характерга эга Жозе Моуриньо яна ўз шогирди билан келиша олмай қолди. Аввалроқ, португалиялик мутахассис захира ўриндиғидаги ўйинчиларни ҳеч нарсага ярамаслигини айтиб, уларни танқид қилганди.
Энди эса, Моуриньо етакчи ўйинчилардан бири Николо Дзаньоло билан уришиб қолгани айтилмоқда. Манбаларнинг маълум қилишича, Жозе ўз шогирдини ўйинларда салоҳиятини тўлиқ намойиш этмаётганликда айблаган. Бунга Николо кескин эътироз билдирган.
Кейинроқ, Жозе Моуриньо ва Николо Дзаньоло яккама-якка гаплашиб олганидан кейин можаро барҳам топди.
Дзаньоло жорий мавсумда А Серияда 11 та учрашувда иштирок этди.
Фикрлар