Mourino “ishkal” hujumchini chaqirdi

“Atletiko” bilan shartnomasi yakunlanayotgan Diego Kosta yanvar oyida “Tottenxem”ga ko‘chib o‘tishga  yaqin turibdi.

Og‘ir xarakteri va qo‘polligi bilan nom chiqargan hujumchini Joze Mourino Londonga chaqiryapti. 32 yoshli futbolchi madridliklar bilan yangi bitim imzolamaydi. Shuning uchun Diego Simeone adashi erkin agentga aylanmay turib, qishda uni sotib yuborishni rejalashtirmoqda.

Diego Kosta 2014-2015 yilgi mavsumda “Chelsi” tarkibida portugaliyalik murabbiy qo‘l ostida to‘p surgan va Angliya chempionligiga sazovor bo‘lgan. Keyinroq, Mourinoning o‘rnini egallagan bosh murabbiy Antonio Konte bilan urishib qolib, “Atletiko”ga o‘tib ketgan edi.