Месси Хамес Родригесга: "Сен кўп гапиряпсан..."

Аргентина терма жамоаси ҳужумчиси Лионель Месси яқинда "Копа Америка–2024" финалида аргентиналикларнинг ғалабасига билдирилган танқид ҳақида Колумбия футболчиси Хамес Родригес билан суҳбатлашди. Суҳбат ЖЧ–2026 саралашининг 16-туридаги Аргентина – Колумбия (1:1) учрашувидан сўнг бўлиб ўтди. Уларнинг суҳбатидаги сўзлар видео орқали аниқлаштирилди.

Родригес: "Лекин нега? Мен ҳеч нарса демадим."

Месси: "Йўқ, йўқ. Сен финалда бизга ёрдам беришди, дегандинг. Сен жуда кўп гапиряпсан..."

Бу суҳбат RMC Sport нашрида, TyC Sports’га таянилган ҳолда келтирилди.

Маълумотларга кўра, Лионель Мессининг ишораси Хамес Родригеснинг 2024 йил март ойида берган изоҳларига қаратилган. Ўшанда у Колумбия 0:1 ҳисобида мағлуб бўлган Америка Кубоги финали ҳақида шундай деган эди: "Ҳакам катта таъсир кўрсатди ва бир ёки икки пенальти белгиламади."