Месси ўзининг сирини очди

ПСЖ ҳужумчиси Лионель Месси ўз ўйинига баҳо берди. Аргентиналик юлдуз фаолияти давомида ўзи қониқмаган ўйинлари кўп бўлганини тан олди.

- Албатта, менда ҳам расво ўйинлар кўп бўлган. Камадан кам ҳолларда ўз ҳаракатларимдан қониққанман. Ўзимга кўпроқ талабчан бўлишим кераклигини биламан,  - деди Лионель Месси.

Месси фаолияти давомида мавсумнинг энг яхши футболчисига бериладиган “Олтин тўп”ни етти маротаба қўлга киритган ягона ўйинчи ҳисобланади.

Бундан ташқари, аргентиналик футболчи жаҳон чемпионлигидан ташқари ўзи қатнашган деярли барча турнирларда ғолиб чиққан.