Месси энг зўр мураббий кимлигини айтди

АҚШнинг “Интер Майами” клубида ўйнаётган Лионель Месси ўзига “Барселона”да устозлик қилган Хосеп Гвардиолани энг зўр мураббий эканини таъкидлади.

Аргентиналик юлдуз Каталония клубидаги фаолиятини айнан Хосеп Гвардиола қўл остида бошлаган эди.

- Мен учун Гвардиола — бетакрор мураббий. Жуда зўр мураббийлар кўп, аммо унда алоҳида бир жиҳат бор. Мен учун у ҳаммадан яхшироқ. У ўйинни кўра билишда, учрашувша тайёргарликда ва футболчилар билан мулоқотда жуда пухта.

Гвардиола энг зўри ва унинг “Барселона”да  бўлгани бизнинг омадимиз кулганидан далолатдир. У футболчиларимиз билан мукаммал уйғунлик ярата олди ва режалаштирган барча натижаларга эришиш учун ҳамма нарса идеал даражада тарзда мос келди, - деди Лионель Месси.

Месси “Барселона”да 17 мавсум ўйнаган. 778 учрашувда 672 гол урган ва 35 та соврин қўлга киритган. Гвардиола эса клубни тўрт йил бошқариб, рекорд даражада — 14 та соврин ютиб олган.