Месси “Барса”да ўйнайдими? Лапортанинг гапи фанатларни жумбушга келтирди

Лионель Месси 2021 йили молиявий фэйр-плей қоидалари туфайли қадрдон жамоаси “Барселона”ни мажбуран тарк этган эди. Ўшанда клуб хўжайини Жоан Лапорта аргентиналик юлдузга берган шартномасини қайтариб олган.

Саккиз карра “Олтин тўп” соҳибининг шундан бери Каталония клуби раҳбарияти билан муросаси тўғри келмай қолгани ҳам бор гап.

Яқинда Месси “Камп Ноу”га келиб, янги ўйингоҳни томоша қилди ва шу ерда ўтказган кунларини эслади. Ҳатто, оиласи билан Барселона шаҳрида яшаш учун қайтишини айтди.

“Барселона” президенти Жоан Лапорта Мессининг “Барселона”да ўйнаши ҳақидаги фанатлар умидларини яна пучга чиқарди.

-  Ҳаммаси истаганимиздек бўлмаган эди. Агар Мессига ҳурмат кўрсатишимиз қандай йўл билан унга қилмаган ишларимизни тўғрилай олса, бу яхши, албатта. Лекин Мессининг клубга ўйинчи сифатида қайтиши ақлга сиғмайдиган иш, - деди Жоан Лапорта.

Месси 2003-2021 йиллар давомида “Барселона” тизимида бўлган. Каталонияликларнинг асосий жамоасида 778 та учрашувда майдонга тушган аргентиналик юлдуз ўз ҳисобига 672 та гол ва 303 та ассист ёздириб қўйган.