"Мени Мюнхенга қўйиб юборинглар"

"Бавария" ҳалигача "Боруссия М"дан Ян Зоммернинг трансферини ҳал қилганича йўқ. "Sky Sport Germany" хабарига кўра, мюнхенгладбахликлар швейцариялик дарвозабонни қўйиб юбориш ниятида эмаслар ва Ян бундан ғазабда.

34 ёшли дарвозабоннинг фикрича, уни Мюнхенга кетиш имкониятидан маҳрум қилмасликлари керак. Шу сабабли кипер жамоа президенти ва мураббийи билан бу борада тортишиб қолди. 

Аввалроқ "Боруссия" спорт директори Роланд Вирку ОАВга қуйидагича изоҳ берган эди: “Январда биз Зоммерни сотмаймиз ва буни “Бавария”га ҳам айтганмиз”. Зоммернинг "Боруссия" билан шартномаси ёзда ўз ниҳоясига етади.