Мен “Барса”ни бошқармасликка ваъда бераман!

“Барселона” раҳбарияти жамоа бош мураббийлигига таклиф қилмоқчи бўлаётган номзодлар рўйхатига “Аякс”ни чемпионга айлантирган Эрик Тен Хаг ҳам бор эди.

Бироқ, 51 ёшли мутахассис Каталония клуби таклифини қабул қилмайдиган бўлди.

Инсайдерларнинг хабар беришича, Эрик Тен Хаг асмтердамликларнинг лойиҳасига қизиқиб қолган. Шу боис клуб спорт директори Марк Овермарс билан учрашиб, унга “Барселона”ни бошқариш имкониятидан воз кечишга ваъда берган.

Бундан ташқари, нидерландиялик мураббий “Тоттенхэм” раҳбарияти билан музокара ўтказганини тан олиб, кўпмиллионли шартномани қабул қилмаганини ҳам билдирди.

“Аякс” янги лойиҳани амалга оширишда жамоани ғалабаларга илҳомлантира оладиган ушбу мураббий билан ҳамкорликни 2023 йилнинг ёзига узайтирди. Бу мутахассис қўл сотида “Аякс” Нидерландия чемпионати ва кубогида икки мартадан зафар қучган.