Meksika Saudiya Arabistonini yutib ham guruhda qolib ketdi

Jahon chempionati guruh bosqchining 3-turidan o‘rin olgan Saudiya Arabistoni va Meksika terma jamoalari o‘rtasidagi bahs yakunlandi. Mazkur uchrashuvda Osiyo vakillari 1:2 hisobida imkoniyatni boy berdi.

Bellashuvning 47-daqiqasida Martin meksikaliklarni hisobda oldinga olib chiqdi. Oradan 5 daqiqa o‘tib, Chavez oradagi farqni yana bittaga oshirib qo‘ydi.

O‘yinga qo‘shib berilgan daqiqalarda Al Dovsariy gol urib, hisobni qisqartirdi. 

Shu tariqa, Saudiya Arabistoni guruhda so‘nggi o‘rinni egalladi. Meksika esa to‘plar nisbatiga ko‘ra Polsha bilan bir xil ochko to‘plab, 3-o‘rinda qoldi.