“Мбаппе эффекти”: Барибир “Реал”дан кетаман

Килиан Мбаппенинг “Реал”га ўтиши оқибатида мадридликлар ҳужум чизиғи вакилларидан бири жамоани тарк этишига тўғри келиши тобора ойдинлашиб бормоқда.

Катта эҳтимол билан бу Родриго Гоэс бўлади. 23 ёшли бразилиялик ҳужумкор футболчи франциялик ҳамкасби билан деярли бир хил позицияда ўйнайди ва ўхшаш вазифаларни бажаради.

Родриго аввалига жамоада қолиб, асосий таркибдаги жойи учун курашишини билдирганди. Бироқ Todofichajes нашрининг маълум қилишича, Родригонинг ўзи жамоадаги келажаги борасида иккилана бошлади.

Сўнгги маълумотларга кўра, Родриго бошқа клублар таклифини ўрганиб чиқишга тайёр. Унга ПСЖ ва Англия грандларидан қизиқиш борлиги айтилмоқда.