Манчестерликларнинг саккиз футболчиси Чемпионлар лигаси ўйини олдидан машғулотга чиқмади

«Манчестер Юнайтед» жамоасининг саккиз нафар футболчиси «Комо»га қарши Чемпионлар лигаси баҳси олдидан ўтказилган машғулотда кўринмади. Mirror нашри ёзишича, улар орасида Маркус Рэшфорд ва Лисандро Мартинес ҳам бор.

Маълумотларга кўра, Лисандро Мартинес «Лидс»га қарши ўйинда олган сон қисмининг жароҳатидан ҳали тўлиқ тикланмаган. Маркус Рэшфорд ҳам худди шу ҳудуддаги нохушликлар сабаб машғулотда қатнашмади.

Шунингдек, жамоа машғулотини Лени Йоро, Эйден Хевен, Кобби Майну ва Люк Шоу ҳам ўтказиб юборди. Лени Йоро барибир «Атлетико»га қарши ўйинда олган қизил карточкаси туфайли «Комо»га қарши баҳсда майдонга туша олмайди. Франциялик футболчи ҳозирча алоҳида дастур асосида шуғулланмоқда. Бундан ташқари, Бенжамин Шешко ва Патрик Доргу ҳамон захирада қолмоқда: Шешко оёқ қовурғаси жароҳатидан, Доргу эса терма жамоа сафидаги ўйинда олган, тахминий равишда тиз орти пайлари билан боғлиқ жароҳатдан сўнг тикланиш жараёнида.

Қатор футболчиларнинг майдонга тушиш-тушмаслиги борасида якуний қарор жамоанинг Италияга сафаридан олдин қабул қилинади.