“Манчестер Юнайтед” Роналду борасида бир қарорга келди

Жаҳон футболида энг кўп гол урган Криштиану Роналду келаси мавсум илк бор Чемпионлар лигасида иштирок этмайди.

“Манчестер Юнайтед” қитъанинг энг нуфузли мусобақасига йўлланма ололмаганига қарамай, португалиялик юлдуз жамоада қоладиган бўлди.

The Sun нашрининг аниқлашича, клуб раҳбарияти ҳам 37 ёшли ҳужумчини олиб қолишга қарор қилган. Чунки улар келаси мавсум учун тайёрлаган янги экипировкада Роналдунинг рақами ва номи кўрсатилгани маълум бўлди.

Роналдунинг амалдаги шартномаси келаси мавсум охирида якунига етади. Янги бош мураббий Эрик тен Хаг ҳам жамоанинг асосий юлдузи билан бирга ишлашга тайёрлигини ва унинг ёрдамидан фойдаланишини билдирган.