“Manchester Yunayted” Qatarda porlayotgan yulduzni olyapti

Qatardagi jahon chempionatida to‘purarlik mahoratini namoyish qilayotgan Niderlandiya terma jamoasi hujumchisi Kodi Gakpo bir necha grand klublar e’tiboriga tushdi.

Xususan, “Manchester Yunayted” mutasaddilari PSV klubi rahbariyati bilan bog‘lanib Gakponing transferi bo‘yicha ma’lumot szragan.

Taniqli jurnalist Nikolo Skira tomonlar ayni paytda transfer bo‘yicha muzokara o‘tkazayotganini tasdiqladi.

“Manchester yunayted” iste’dodli hujumchiga 2027 yilning yarmigacha mo‘ljallangan shartnoma taklif qilyapti.

Gakpo jahon chempionatining guruh bahslarining barchasida raqiblar darvozasini ishg‘ol qilishni uddaladi. 23 yoshli futbolchi 45 million evroga baholanmoqda.