"Манчестер Юнайтед" ҳимоячисига Саудиянинг бир нечта клуби қизиқмоқда

"Манчестер Юнайтед" ҳимоячиси Эрик Байи клубни тарк этиш арафасида турибди. У Эрик Тен Хаг режаларидан жой олмаган. 

Фабрицио Романо хабар беришича, Байига Саудиянинг бир нечта клублари қизиқмоқда. "Ан-Наср" ва "Ал-Иттифоқ" футболчини ўз таркибига қўшиб олмоқчи. Шунингдек, курашда "Фулхэм" ҳам бор. 

Эслатиб ўтамиз, Байи якунига етган мавсумни ижара асосида "Марсель" таркибида ўтказди. 29 ёшли ҳимоячининг МЮ билан тузган шартномаси 2024 йилнинг ёзига қадар амал қилади.