“Manchester Yunayted” bosh murabbiylikka “Barsa” qadrlamagan afsonani olib keladi

“Manchester Yunayted” rahbariyati niderlandiyalik bosh murabbiy Erik ten Xag o‘rniga boshqa mutaxassis qidirmoqda.

Manchesterliklar taklif etiladigan mutaxassislar ro‘yxatiga Xavi Ernandesni ham qo‘shdi.

Ispaniyalik mutaxassis o‘zi afsonaga aylangan “Barselona” bosh murabbiyligidan iste’foga chiqarilganidan beri ishsiz yuribdi.

Angliya superklubi mutasaddilari ikki marotaba Xavi Ernandes bilan uchrashib, o‘zaro hamkorlik imkoniyatlarini muhokama qilgan. Bu haqida Daily Mail nashri jurnalisti Kris Uiller ma’lum qildi.

Bu orada Xavi murabbiylik faoliyatini boshlagan Qatarga ham ketib qolishi mumkin. Qatarliklar ispaniyalik mutaxassis bu mamlakatning milliy terma jamoasini boshqarishini so‘rashmoqda.