“Manchester Yunayted” 150 millionlik futbolchidan voz kechdi

“Manchester Yunayted” bosh murabbiy Erik ten xag hujum chizig‘ida A Seriya to‘purari Viktor Osimxenni ko‘rmoqchi edi.

Klub rahbariyati ham bu transferni amalga oshirishga rozilik berdi. Manchesterliklar nigeriyalik to‘purar uchun 100 million evro ajratgandi.

Biroq, “Napoli”ning talabi APL klubini maqsadidan qaytardi. Neapolliklar o‘z to‘purari uchun 150 million evro  talab qilmoqda. Bu summa “Manchester Yunayted”ni qoniqtirgani yo‘q.

Osimxen joriy mavsumda Italiya chempionatida 22 ta uchrashuvda maydonga tushib, raqiblar darvozasini 19 marotaba ishg‘ol qildi.