"Манчестер Сити" Каталония клубидан футболчи сотиб олди

Каталониянинг "Жирона" клуби хавбеки Педро Порро "Манчестер Сити" футболчисига айланди.

Берилган маълумотларга қараганда 19 ёшли испаниялик футболчи “шаҳарликлар” билан 5 йиллик шартнома имзолаган. Унинг трансфери эса 12 млн еврога тушгани айтилмоқда.

Маълумот учун, Порро ўтган мавсум 35та ўйинда майдонга тушди ва 1та гол ҳамда 4та голли узатма ёздириб қўйишга эришди.

Эслатиб ўтамиз, “Манчестер Сити” ва “Жирона” клубларининг хўжайини битта ҳисобланади.