"Манчестер Сити" Италиядан ҳимоячи олиб келмоқчи

Туриннинг "Ювентус" клуби қанот ҳимоячиси Андреа Камбьясо фаолиятини Англия Премьер-лигасида давом эттириши мумкин. Бу ҳақда "The Sun" нашри журналистлари хабар бермоқда.

Манбага кўра, ҳимоячининг хизматларига "Манчестер Сити" анчадан бери қизиқмоқда. Клуб уни қишда сотиб олмоқчи эди, бироқ якуний қарор италиялик футболчини ёзда сотиб олишга қолдирилди. Футболчининг потенциал трансфер нархи 40 миллион еврога баҳоланмоқда.

Жорий мавсумда Андреа Турин клуби сафида 39 та ўйинда иштирок этиб, 2 та гол урди ва 3 та голли узатма берди. Унинг "Ювентус" билан шартномаси 2029 йил июн охиригача амал қилади.