Malayziyada velosportning trek yo‘nalishi bo‘yicha Osiyo chempionati bo‘lib o‘tmoqda

Ayni kunlarda Malayziyada velosportning trek yo‘nalishi bo‘yicha yoshlar va kattalar o‘rtasida Osiyo chempionati bo‘lib o‘tmoqda. Unda qatnashayotgan O‘zbekiston terma jamoasi a’zolari musobaqaning dastlabki kunlari 2 ta oltin va 1 ta bronza medaliga sazovor bo‘lishdi.

Erkaklar o‘rtasidagi skretch dasturida Dmitriy Bocharov amaldagi jahon chempioni yaponiyalik Kazushige Kuboki bilan oltin medal uchun raqobatda ustun keldi. Yosh iste’dodli sportchilarimizdan Samira Ismoilova omnium dasturida oltin, ochkolar poygasida esa bronza medaliga sazovor bo‘ldi.

Musobaqa 27 fevralga qadar davom etadi.