Магуайр Роналдуга қандай гапирсин!

“Бавария” ва Канада терма жамоаси ҳимоячиси Альфонсо Дэвис “Манчестер Юнайтед” юлдузи Криштиану Роналду ва сардори Ҳарри Магуайр ҳақида фикр билдирди.

- Роналду ХХI асрнинг энг зўр ўйинчиларидан. Тасаввур қилинг, сиз Роналдусиз, Ҳарри  Магуайр сизнинг сардорингиз. Билмайман, Ҳарри Криштиануга нима дея оларкин. Мен Магуайрни маҳокама қилмайман, лекин сардорлик боғичини Роналдуга топшириш керак, - деди Альфонсо Дэвис.

Португалиялик юлдуз Манчестерга келганидан бери 33 та учрашувда қатнашиб, ўз ҳисобига 18 та гол ва учта ассист ёздириб қўйди.

Магуайр ҳимояда мустаҳкам ўйнаш қаторида 32 та учрашувда бир жуфт тўп киритишга муваффақ бўлди.