“Ливерпуль”нинг омадсиз легионери ортга қайтадиган бўляпти

Италияда бир неча мавсум давомида “Фиорентина” ва “Ювентус” клублари шарафини муносиб ҳимоя қилган Федерико Кьеза катта умидлар билан Англия Премьер-лигасига кўчиб ўтганди.

“Ливерпуль” раҳбарияти бир йил аввал италиялик ҳужумкор футболчини 12 миллион евро эвазига ўз сафига қўшиб олганди. Бироқ, 27 ёшли ўйинчи Англия футболига тўлиқ мослаша олмади.

Энди Федерико А Серияга қайтишни орзу қилмоқда. Бу ҳақида Фабрицио Романо хабар тарқатди.

“Ливерпуль” Англия Премьер-лигасида ғолиб чиққан мавсумда Кьеза жами тўртта мусобақада атиги 14 та ўйин ўтказди, иккитадан гол ва ассист қайд этди. Шу ўйинлардан чемпионатга фақат олтитаси тўғри келди.

Италиялик футболчи ўзи берилаётган ўйин вақтидан норози ва муҳитни ўзгартиришга қарор қилди. Трансферлар бўйича экспертлар Федерико Кьезани “Милан” ижарага олиши мумкинлигини таъкиламоқда.