"Ливерпуль" Вирцни сотиб олганидан афсусда бўлиши мумкин"

Англиянинг собиқ ҳимоячиси Жолеон Лескоттнинг фикрича, "Ливерпуль" раҳбарияти Флориан Вирцни сотиб олганидан афсусда.

"Менимча, мавсум охирида "Ливерпуль" имконият бўлганида Вирц учун сарфлаган пулларини қайтариб олган бўларди. Улар бу трансфердан хурсанд эмас, деб ўйлайман", — дея таъриф бериб ўтди.

Маълумот ўрнида, мерсисайдликлар ёзда "Байер"дан немис ярим ҳимоячисини 125 миллион евро эвазига сотиб олган эди. Аммо янги футболчи ҳозиргача на гол урди, на голли пас берди — на Премьер-лигада, на Чемпионлар лигасида.

Ҳозирча Арне Слот бошқарувидаги "Ливерпуль" 7-турдан сўнг Англия Премьер-лигасида иккинчи ўринни эгаллаб турибди. Жамоа етакчи "Арсенал"дан бир очкога орқада.