Лэмпард "Челси"даги илк трансферини амалга оширди

Норвегиянинг "Тромсе" клуби ҳужумчиси Брайан Фьябема "Челси"га кўчиб ўтди. Бу ҳақда клуб расмий сайти хабар тарқатмоқда.

Юқоридаги манбаага кўра 16 ёшли футболчи “аристократлар” сафида муваффақиятли тиббий кўрикдан ўтказилган ва лондонликлар билан оғзаки келишувга эришган. Тўлиқ шартнома эса 16 февраль куни, яъни Брайан 17 ёшга тўлганида имзоланади.

Маълумот учун, Брайан Фьябема “Тромсе” клуби тарбияланувчиси ҳисобланади. У Норвегия U17 терма жамоаси сафида 3 та ўйинда майдонга тушган.

Эътиборлиси, Фьябема Фрэнк Лэмпард “Челси”ни бош мураббийи бўлгандан буён сотиб олинган илк футболчи бўлди.