Krouford-Madrimov turniri moliyaviy omadsizlikka aylandi

Amerikalik Terens Krouford va hamyurtimiz Isroil Madrimov jang qilgan boks turniri moliyaviy tomondan omadsiz chiqdi.

 "Saudiyaliklar tomonidan AQSh da tashkil etilgan birinchi yirik musobaqa bo‘lgan Krouford-Madrimov turniri bir nechta manbalarga ko‘ra, 10 million dollardan ko‘proq zarar ko‘rgan.  Vaziyat chiptalar bilan bog‘liq. Minglab chiptalar tekinga berilsa ham, arenada juda ko‘p bo‘sh o‘rindiqlar qolgandi”, — deb yozadi mashhur jurnalist Kevin Lole o‘z blogida.

 Eslatib o‘tamiz, Krouford va Madrimov o‘rtasidagi jang Los-Anjelesda bo‘lib o‘tdi. 12 to‘liq raund to‘liq davom etgan bahsda amerikalik bokschi ochkolar evaziga g‘alaba qozondi.