Кристиан Эриксен - "Волфсбург" футболчиси

Даниялик ярим ҳимоячи Кристиан Эриксен Германиянинг "Волфсбург" жамоаси аъзоси сифатида расман таништирилди. Клуб у билан икки йиллик шартнома имзолади ва футболчининг трансфери эркин агент мақомида амалга оширилди.

Эриксен сўнгги уч йил мобайнида "Манчестер Юнайтед" сафида тўп тепган, ундан олдин эса Европа чемпионатидаги нохуш ҳодисадан кейин "Брентфорд"да соғлиғини тиклаган эди. Шунингдек, Эриксеннинг фаолиятида "Аякс", Лондоннинг "Тоттенхэм" ва Миланнинг "Интер" жамоалари ҳам бўлган.

Кристиан 15 йил давомида Дания миллий терма жамоасида 144 та ўйин ўтказган. "Волфсбург" Бундеслиганинг ўтган мавсумида 11-ўринни эгаллаган.