Koutinoga Turkiya klubi qiziqmoqda

"Aston Villa" futbolchisi Filippe Koutino faoliyatini Turkiyada davom ettirishi mumkin, deya xabar bermoqda "Milliyet.com.tr" nashri. "Beshiktosh" braziliyalik yarim himoyachini sotib olish sharti bilan ijaraga olmoqchi. Klub transferga 8 million evro sarflashi mumkin.

Koutino birmingemliklarga Unai Emeri bosh murabbiy bo‘lganidan keyin maydondagi daqiqalari kamaydi. Shuningdek, jarohat tufayli ham u ko‘plab o‘yinlarda qatnasha olmadi. 

Mish-mishlarga ko‘ra, Koutinoga Braziliyadan takliflar bor. Ammo futbolchi hali o‘z mamlakatiga qaytishni reja qilmagan.