Конья-2021. Велоспортчиларимизга тенг келадигани топилмади. Олтин ҳам, кумуш ҳам бизда!

Велоспортчиларимиздан хушхабар давом этади. Шосседа ўтган аёллар ўртасидаги вақт учун пойга йўналишида ҳамюртларимиз ажойиб натижа қайд этишди.

Трекда олтин медалга сазовор бўлган Олга Забелинская ушбу дастурда ҳам тенгсиз эканлигини кўрсатиб, делегациямиз ҳисобига яна бир энг юқори пробали медални қўшиб қўймоқда. Қувонарлиси, мазкур йўналишда стартга чиққан иккинчи вакиламиз Янина Кускова кумуш медални қўлга киритди. Бу Кускова учун мусобақадаги учинчи кумуш медал бўлди.