Konya-2021. Musobaqadagi ilk kumush medalimizni qo‘lga kiritdik

Turkiyaning Konya shahrida o‘tkazilayotgan Islom birdamligi o‘yinlarida delegatsiyamiz o‘zining ilk kumush medaliga sazovor bo‘ldi.

Unga velosportchimiz Yanina Kuskova mualliflik qildi. Trekning yakkalik ta’qib poygasi dasturida ishtirok etgan Kuskova finalda qozog‘istonlik Rinata Sultanovaga imkoniyatni boy berib qo‘ydi. Shunday bo‘lsa ham yurtdoshimizni qo‘lga kiritilgan ushbu muvaffaqiyat bilan qutlab qolamiz!