"Комо" жамоа мураббийини Италиянинг бошқа клубига қўйиб юбормоқчи эмас

Италиянинг "Комо" клуби А Сериядаги дебют мавсумида ўнинчи ўринни эгаллаган бош мураббий Сеск Фабрегас билан хайрлашишни хоҳламаяпти.

Журналист Жанлука ди Марционинг маълум қилишича, "Комо" Миланнинг "Интер" клуби қўлга киритишга интилаётган Фабрегасни сақлаб қолмоқчи. "Нерадзуррилар" "Ал-Ҳилол"га ўтган Симоне Индзагининг ўрнини босадиган мураббий изламоқда.

Манбанинг таъкидлашича, Фабрегаснинг келажаги масаласи яқин кунларда ҳал этилиши кутилмоқда. Мураббийнинг ўзи аллақачон "Интер" раҳбарияти билан учрашиб, жамоани қайта шакллантириш бўйича ўз талабларини билдирган.