Коман: "Роналду билан бирга ўйнаш катта шараф"

Кингсли Коман "Ан-Наср"га ўтганидан кейин Криштиану Роналду билан бир жамоада тўп суришдан мамнун эканини билдирди.

Француз ярим ҳимоячиси ёзда "Бавария"дан Саудия клубига қўшилганди.

"У жуда кучли футболчи, у билан бирга ўйнаш мен учун катта шараф. Болаларимга Роналду билан бир жамоада ўйнаганимни фахр билан айтаман. Ҳар доим бундай футболчилар билан ёнма-ён бўлиш ёқимли", – дея таъриф бериб ўтди "Бавария"нинг собиқ футболчиси.

Эслатиб ўтамиз, "Ан-Наср" чемпионатнинг 2-турида "Ал-Холуд"ни (2:0) мағлуб этди. Коман ўйинда Садьо Манега ассист берди.