Kavanining keyingi klubi ma’lum bo‘ldi

Yozgi transferlar mavsumining so‘nggi kunida “Manchester Yunayted” bilan 1+1 ko‘rinishida shartnoma imzolagan Edinson Kavani unga etarlicha o‘yin amaliyoti berilmayotgani uchun qishda klubni tark etishi haqida o‘ylayotganini bildirgandi.

Urugvaylik hujumchi o‘z bayonotidan keyin Argentinadan taklif oldi. “Boka Xuniors” rahbariyati tajribali to‘purarni “Manchester Yunayted” bilan shartnomasi yakunlanganidan keyin ham olishga tayyorligini ma’lum qildi.

Avvalroq, Edinson Kavani 2022 yilgi jahon chempionatigacha Evropada to‘p tepishini ta’kidlagan edi. Uning manchesterliklar bilan shartnomasi aynan o‘sha yili yakunlanadi.