Испанлар Италияни "босиб" олмоқда

Италия чемпионатида испаниялик легионер сони бўйича янги рекорд қайд этилди. Янги мавсумда А Серияда 27 нафар испан футболчиси тўп тепадиган бўлди.

А Сериядаги энг машҳур испаниялик ўйинчи Альваро Мората ҳисобланади. Айни пайтла “Комо” шарафини ҳимоя қилаётган бу ҳужумчи илгари “Ювентус” ва “Милан” каби гранд клубларда ҳам ўйнаган.

Шунингдек, фаолиятини “Лацио”да давом эттираётган Педро ҳам Европанинг бир қатор гранд клубларида ўзини кўрсатган юлдузлардан.

 Marca нашрининг ёзишича, Италия футбол клублари аксарият ҳолатларда испан футболчиларининг хизматига катта қизиқиш билдирмайди. Илк бор испаниялик чарм тўп усталари А Серияга 1961 йили келган. Шундан бери жами 118 нафар испан легионерлари Италия клубларида ўйнагани қайд этилган.

Бугунги кунда “Комо” энг кўп испан футболчисига эга жамоа ҳисобланади. Ўзи испаниялик бўлган Сеск Фабрегас жамоасига Альваро Моратадан ташқари Алекс Валье, Хакобо Рамон,  Альберто Морено, Серхио Роберто, Хесус Родригес, Ассане Диао ва Иван Асон каби ҳамюртларини жалб қилган.